4 bagay pou genyen eleksyon an Ayiti

Pa bò isit an Ayiti, tout moun ka chef, depi w gen sa konstitisyon an egzije pou pòs la. Se jodi w ka dòmi, demen ou leve depite, senatè, majistra, minis, menm prezidan. Gen moun ki chantè, k ap di betiz, ki vin prezidan, gen sa ki soti machann kann ki vin senatè, gen sa ki soti machann gaz, ki vin depite. Ou ta renmen genyen eleksyon ? Ou vle vin chèf ? N ap prezante nou 4 bagay pou genyen eleksyon an Ayiti.

M ap raple w, ou an Ayiti. Si w pa te konnen, Byenvini !

1. Lajan : Se pa premye fwa n ap rann nou kont, nou pa ka genyen eleksyon an Ayiti san lajan. Nou toujou konnen, fòk lajan tonbe nan baz, fòk tout katye mobilize [ak 1000 goud], fòk bouch militan yo grese pou nou jwenn vòt ak moun yo genyen yo. Nan eleksyon, fòk ou gen lajan pou w fè afich, mayo, bandwòl, pou w peye moun k ap goumen avèk ou. Pi gwo koze a, fòk ou gen kòb pou w jere nèg anlè, tankou nèg ki nan KEP yo, paske anpil nan pòs yo se vann yo yo vann yo.

2. Zam : Nan elsksyon pa bò isit, zam jwe yon wòl enpòtan. Nou ta menm vle di, se pati ki gen plis zam nan ki genyen l. Lè gen eleksyon, anpil fwa nou tande se deblozay, sant vòt boule, moun mouri. Pou w gen kontwòl sitiyasyon sa yo, ou dwe gen kontwòl mwayen pou fè vyolans yo tou. Zam ap ede jere sektè kle yo, epi li ede fè lòt pati yo pè, pou pa fè vyolans epi gate eleksyon yo.

3. Fè kèk ti bagay : Anpil moun vote pou bay yon klas repons oubyen yon gwoup moun. Osinon, yo vote pou rekonpanse yon moun ki fè yon bagay pou yo. Pou sa, pou w genyen eleksyon an Ayiti ou dwe fè yon ti bagay. Menm se sa ta yon bagay pèsonèl ou, tankou yon jaden bannann, yon bank bòlèt, li ka ede w. Men li t ap pi bon si w te fè yon bagay pou ki sèvi tout moun, tankou yon lekòl, yon ponp dlo, yon moulen manba, yon twalèt kominotè, yon pon.

4. Kominikasyon : Jounen jodi a, kominikasyon jwe yon gran wòl nan tout aktivite n ap mennen. Li nan biznis, nan lakilti, li enpòtan anpil nan politik. Politisyen yo itilize l anpil, pou sedwi moun, pou jwenn senpati ak pou fè moun dòmi. Pou genyen yo eleksyon, fòk ou ta gen kontwòl sektè sa. Gen kontwòl medya ki pi enfliyan yo nan, radyo, televizyon ak rezo sosyal yo. Kominikasyon ap sèvi pou ogmante moun ki konnen w yo, epi ou dwe itilize l pou fè djòlè pou ti bagay ou te fè yo.

Malerezman se konsa l ye ! Si gen yo pwen m pa mete, ou ka di l nan kòmantè, konsa tou si gen yon kritik, pa neglije fè l.

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

Propulsé par WordPress.com.

Retour en haut ↑

%d blogueurs aiment cette page :